Isang Dominican priest at molecular biologist ang nagde-develop ng Pinoy made oral vaccine na naka base sa yeast system na epektibo laban sa COVID-19 at maging sa mas nakakahawa pang variant nito.
Ayon kay Father Nicanor Austriaco miyembro ng OCTA research group kailangang matapatan ng gamot ang mga variant ng COVID-19 na pumapasok sa bansa kaya’t dapat makagawa ng mga bakuna.
Sinabi ni Austriaco na magpo-produce ng spike protein ang yeast based vaccine delivery at ito ang magsisilbing immune response laban sa virus na nagdadala ng COVID-19.
Ang nasabing bakuna aniya ay isang pill o tableta na maaaring idagdag sa tubig, gatas, beer o maging sa alak.
Taliwas sa iba pang uri ng bakuna inihayag ni Austriaco na ang yeast based vaccine ay hindi kailangang i-refrigerate dahil ang yeast ay maaaring itabi sa room temperature at tatagal ng dalawang taon.
