Tatlong taong hinatulang makulong ang isang Filipino technician sa Abu Dhabi.
Ayon sa report ng Khaleej Times, ang naturang Pinoy ay sinintensyahan ng Abu Dhabi Criminal Court of First Instance matapos pekein ang pass result ng isang sasakyan kapalit ng 9,000 dirhams o halos P125,000.00.
Ang naturang sasakyan ay sinasabing unfit o hindi uubrang imaneho matapos masangkot sa aksidente at itinuturing na ring scrap o basura.
Sa halip na gawin ito, ipinaayos na lamang ang naturang sasakyan ng Syrian dealer na may-ari nito at sinuhulan ang Pinoy technician para sa pass result.
Dahil dito, kapwa inaresto ang Syrian dealer at nasabing Pinoy technician.
