Lumagda ang Pilipinas at Myanmar sa memorandum of understanding o MOU na naglalayong bumuo ng mas malakas na mekanismo na may kaugnayan sa information sharing at media cooperation.
Partikular na pumirma sa kasunduan sina Presidential Communications Operations Office o PCOO Secretary Martin Andanar at union minister Pe Myint ng Ministry of Information ng Myanmar.
Ayon kay Myint, ang ginawa nilang paglagda sa MOU ay patunay ng mas maigting na kooperasyon ng dalawang bansa sa iba’t ibang usapin.
Kumpiyansa naman si Andanar na sa pamamagitan nito’y maitataguyod ng Pilipinas at Myanmar ang kani-kanilang mga kultura, sining, edukasyon, turismo at iba pa sa tulong ng pagpapalitan ng impormasyon.
Bukod dito, isusulong din ang pagkakaroon ng pagsasanay para sa mga government media personnel ng parehong bansa
