Hindi pa handa ang Pilipinas maging ang Korte Suprema para sa legalisasyon ng same sex marriage.
Ayon kay Presidential spokesman Harry Roque, malabong umubra ang naturang panukala para sa bansang karamihan ay mga Katoliko.
Ginawa ni Roque ang pahayag kaugnay sinimulang oral arguments ng Korte Suprema hinggil sa hirit na tanggalin na ang mga probisyon sa batas na naglilimita sa depinisyon ng kasal sa pagitan ng isang lalaki at babae.
Matatandaang mismong si Pangulong Rodrigo Duterte ang umamin na kailangang mabago ang umiiral na batas ukol sa kasal kung nais maisulong ang same-sex marriage.
