Masayang ibinalita ni 2015 Miss Universe Pia Wurtzbach na nagkaroon siya ng pagkakataong makapanood ng Broadway show sa New York kung saan isa sa mga karakter ay ang ating kababayang si Lea Salonga.
Ayon sa report, na-meet ni Pia ang Broadway star noong Sabado habang nanonood ng Allegiance, isang musical show na kasama si Lea.
Sa isang post ni Pia sa Miss Universe social media account, pinuri nito si Lea Salonga at ang buong cast ng show sa isang napakagandang performance, naiyak pa umano siya pagkatapos ng palabas.
Makikita din ang picture ng dalawa, kung saan all smiles ang mga ito.
Idinagdag na masayang-masaya si Lea na makita si Pia at nagbigay din aniya ito ng mga advice kay Pia kung paanong ma-eenjoy ang pag-stay sa Big Apple.
Nakatakdang bumalik sa bansa si Wurtzbach sa darating na January 23.
*Photo Credit: Miss Universe Instagram account
