Papayagan na muling makabisita ang mga turista gayundin ang pamilya ng mga kadete ng Philippine Military Academy (PMA) sa Fort del Pilar sa Baguio City.
Ito’y ayon sa pamunuan ng PMA ay kasunod na rin ng deklarasyon ng Pamahalaang Lungsod na nagbababa sa Baguio City sa Alert Level 1 ng COVID-19 restrictions.
Batay sa abiso ng PMA, papayagang makapasok ang mga turista at pamilya ng mga kadete mula alas 8:30 hanggang alas-11 ng umaga mula Lunes hanggang Biyernes.
Habang mula alas-8:30 ng umaga hanggang alas-12 ng tanghali naman tuwing Sabado at Linggo kung saan ay kinakailangang ipakita ang kanilang vaccination cards.
Limitado lang sa 300 ang papayagang papasukin kada araw , kailangan ding mahigpit na sundin ang minimum health and safety protocols at bawal ang magpakuha ng retrato sa mga kadete. —sa ulat ni Jaymark Dagala (Patrol 9)
