Sasagutin na ng PhilHealth ang pagpapagamot ng isa nitong miyembro na tinamaan ng coronavirus disease 2019 (COVID-19).
Ayon kay PhilHealth Chief Ricardo Morales, handang sagutin ng ahensya ang P2.8-milyong medical expenses ng naturang pasyente.
Hindi pa aniya nadidischarge sa ospital ang pasyente dahil sa patuloy na gamutan ngunit malaki na agad ang bayarin na naghihintay rito.
Ang kaso umano na ito ay itinuturing nilang may pinakamahal na gamutan dahil sa nasabing sakit.
