Nagkasundo sina Pangulong Rodrigo Duterte at Singaporean Prime Minister Lee Hsien Loong na labanan ang terorismo at iligal na droga.
Ayon kay Foreign Affairs Secretary Perfecto Yasay Jr., ang naturang kasunduan ng dalawang lider ay bahagi lamang ng mga natalakay ukol sa mutual cooperation ng Pilipinas at Singapore.
Samantala, sa state banquet na inihanda ni Singaporean President Tony Tan Keng Yam, pinapurihan ng Pangulong Duterte ang matibay na ugnayan ng Pilipinas at Singapore na kapwa aniya ginagalang kani-kanilang independence.
Kasalukuyang nasa Singapore ang Pangulo matapos ang state visit nito sa Cambodia.
Mamayang gabi inaasahang magbabalik bansa ang Pangulong Duterte mula Singapore.
By Ralph Obina
Credit: RTVM photo
