Nakabinbin pa rin Sa Land Transportation Franchising and Regulatory Board (LTFRB) ang petisyon ng ilang jeepney operators na dagdag sais pesos sa pasahe sa mga PUVs.
Sa panayam sa DWIZ, sinabi ni Ka Orlando Marquez, Pangulo ng Liga ng Transportasyon at mga Operators sa Pilipinas (LTOP) na hindi pa ito nabibigyang-pansin dahil sa konsiderasyon sa mga commuters.
Nakabase ang panukalang taas-pasahe sa computations kasama ang lahat ng commodities, presyo ng langis, spare parts at sasakyan.
Noong Martes naganap ang ika-anim na linggo taas presyo sa langis sa bansa partikular sa gasolina, diesel at kerosene. —sa panulat ni Abby Malanday
