Kinumpirma ng Philippine Drug Enforcement Agency (PDEA) na iisang Peter Lim ang sumuko kay Pangulong Rodrigo Duterte at ang nasa listahan ng targeted drug personalities ng PDEA.
Ayon kay PDEA Director General Isidro Lapeña, kasama ang pangalan ni Lim sa updated na listahan ng mga indibidwal na isinasangkot sa iligal na droga.
Dahil dito, sinabi ni Lapeña na isasalang sa imbestigasyon si Lim dahil sa umano’y involvement nito sa iligal na bentahan ng droga sa bansa.
Matatandaang Hulyo 21 ng humarap sa NBI si Lim para linisin ang kanyang pangalan matapos pangalanan ni Pangulong Rodrigo Duterte na isa umano sa mga malalaking drug lord sa bansa.
By Ralph Obina
Photo Credit: Malacañang Photo Bureau
