Walang ibang umaangkin at walang militarisasyon ng China sa Benham o Philippine Rise na teritoryo ng Pilipinas.
Ito ang nagkakaisang inihayag nina Minority Senators Kiko Pangilinan at Risa Hontiveros makaraang igiit na ang mas dapat puntahan ng Pangulo ay ang West Philippine Sea o ang Exclusive Economic Zone kung saan nagdeploy ang Tsina ng anti-air at anti-ship missile.
Ayon kay Hontiveros, walang problema ang pagtungo ng Pangulo sa Philippine Rise dahil teritoryo ito ng Pilipinas na wala namang umaangkin.
Gayunman, mas dapat anyang umaksyon at pumunta ang Pangulo sa West Philippine Sea na pinanghihimasukan ng Tsina.
