Itinaboy ng Philippine Coast Guard ang isang Chinese navy warship sa Mary Louise Bank.
Ayon sa tauhan ng PCG na sakay ng BRP Cabra, nangyari ang insidente nuong Hulyo 13 kung saan ang naturang Chinese warship ay may 147 nautical miles ang layo mula sa baybay dagat ng El Nido Palawan.
Niradyuhan umano ang Chinese warship at ipinaalala na ito ay nasa loob ng teritoryo ng Pilipinas.
Sinundan ng BRP Cabra ang barkong pandigma ng China hanggang ito ay tuluyang makalabas ng Marie Louise Bank.
