Kumpiyansa si Pangulong Ferdinand “Bongbong” Marcos Jr., na kaya nang makontrol ang COVID-19 sa Pilipinas.
Kumbinsido ang Pangulo na matatapos ang problema sa virus sa pamamagitan ng pagpapa-booster shot na malaki na makapagbibigay ng proteksiyon sa bawat isa.
Ayon sa Punong Ehekutibo, malaki ang magiging papel ng mga kaibigan at kamag-anak para mahikayat ang marami na magpaturok na booster dose at panatilihin ang pagsusuot ng face mask at paghuhugas ng kamay.
Muli namang binanggit ng Pangulo na hindi na magpapatupad ng lockdown sa bansa pero dapat na maging responsable ang publiko sa ipinatutupad na protocols upang maging Covid-Free na ang Pilipinas.