Iginiit ni dating Senador Franklin Drilon na dapat maibalik ni Pangulong Ferdinand Marcos Jr. sa kanya ang kontrol pagdating sa budget process sa gitna ng mga kwestyunableng aspeto ng 2025 national budget.
Ayon sa dating senador, nasa Senado siya ng d24 na taon at ngayon niya nakita ang pinaka-kurap na national budget.
Anuman aniya ang legalities na nangyari, ang pinakamalaking usapin ngayon ay wala ng kontrol ang pangulo sa budget ng bansa.
Binigyang-diin pa ng dating Executive Secretary na sumobra o naging mapagsamantala ang mga Kongresista nang ilipat ng mga ito ang programang inihain ng malacañang sa unprogrammed appropriations para pondohan ang kanilang sariling proyekto.
Sa kabila naman ng mga pambabatikos, inihayag ni dating Senador Drilon na magiging hamon ang pag-kwestyon sa ligalidad ng 2025 General Appropriations Act, batay lamang sa sinasabing mga blankong item sa Bicam report. – Sa panulat ni Laica Cuevas
