Inihayag ni DILG secretary Benhur Abalos Jr. Na nakatakda silang magpulong ng Pangulong “Bongbong” Marcos Jr. Upang pag-usapan ang bubuuing komite na siyang tututok sa imbestigasyon sa mga colonel at heneral na nagpasa ng kanilang courtesy resignation.
Ito’y matapos na makauwi sa bansa ang pangulo mula sa isinagawa nitong state visit sa Davos, Switzerland at kaugnay pa rin sa isinasagawang paglilinis sa hanay ng pulisya ukol sa pagkakadawit ng ilang matataas na opisyal ng PNP sa kalakaran ng iligal na droga sa bansa.
Nabatid na nauna nang kinumpirma na isa si baguio city mayor benjamin magalong sa magiging miyembro ng nasabing 5-man committee.