Nilinaw ng Malakaniyang na magmumula pa rin sa pambansang pondo ang gagamiting pagpapatayo sa mga nasirang gusali at imprastraktura sa Marawi City.
Ito’y makaraang maglabas ng paunang 10 Bilyong Pisong pondo ang PAGCOR o Philippine Amusement and Gaming Corporation na siyang gagamitin lamang para sa rehabilitation program sa nasabing lungsod.
Ayon kay Presidential Spokesman Ernesto Abella, sa financial assistance ng Pangulo gagamitin ang social fund ng PAGCOR habang mula sa national budget naman kukunin ang pondo para sa Social Welfare assistance.
Bukas din ang SSS o Social Security System at GSIS o Government Service Insurace System sa pagpo-proseso ng loan para sa mga apektado nilang miyembro sa lungsod.
Babalikatin naman ng NHA o National Housing Authority ang pabahay para sa pamilya ng mga sundalo at pulis na nasawi sa bakbakan .
Habang ang Deped, TESDA at ang 113 SUC’S o State Colleges and Universities ang bahala sa edukasyon ng hanggang dalawa sa mga anak nito.
By: Jaymark Dagala / Aileen Taliping
Paunang pondo mula sa PAGCOR para sa rehab at hindi sa infra – Palasyo was last modified: June 24th, 2017 by DWIZ 882