No show si Paulo Avelino sa 7th birthday ng kanyang anak na si Ethan Akio sa aktres na si LJ Reyes.
Ginanap ang Batman theme party sa isang bonggang events place sa Libis, Quezon City na dinaluhan ng mga miyembro ng pamilya ni LJ, mga kaibigan at kaklase ni Aki.
Present sa naturang party ang boyfriend ni LJ na si Paolo Contis na abala rin sa pag-istema ng mga bisita.
Nang tanungin kung inaasahan pa ni LJ na darating si Paulo sa birthday party ng anak, sinabi ng aktres na wala naman siyang anumang inaasahan pagdating sa ama ng kanyang anak.
Ang mahalaga aniya ay masaya ang kanyang anak kasama ang mga taong nagmamahal dito.
By Rianne Briones
Photo Credit: lj_reyes / Instagram
