Maraming kababaihan ngayon ang malulungkot dahil sa kumpirmasyon ng Kapamilya actor na si Paulo Avelino na nakikipag-date siya ngayon.
Mukhang naka-move on na si Paulo sa kanilang relasyon ni KC Concepcion dahil may ilan kasing larawan ni Paulo ang lumabas sa ilang entertainment website kasama ang isang babae na may pangalang Natasha Villaroman.
Hindi man kinumpirma na yun mismo ang kanyang idini-date, sinabi ni Paulo na lumalabas siya ngunit ayaw niya munang pangalanan ang babae.
Galing umano sa kilalang pamilya sa Surigao si Natasha, isang La Salle graduate, naging isang commercial model at ngayon ay isa nang entrepreneur.
By Rianne Briones
