Inihayag ng Metropolitan Manila Development Authority (MMDA) na dapat tangkilikin ng publiko ang paggamit ng libreng sakay sa Pasig River Ferry service (PRFS)bilang alternatibong transportasyon.
Ayon sa MMDA, malaking tulong sa mga commuter ang libreng sakay dahil iwas-traffic, ligtas at mahusay umanong gamitin kumpara sa ibang transportasyon.
Sakop ng libreng sakay, ang mga terminal sa Pasig City kabilang na ang Pinagbuhatan, San Joaquin, Maybunga, at Kalawaan; sa Guadalupe at Valenzuela stations sa Makati City; Hulo station, Mandaluyong City; at Lambingan, Sta. Ana, PUP, Lawton, Quinta, at Escolta stations naman sa lungsod ng Maynila.
Para naman sa kabuuang detalye ng schedule at passenger guide, bisitahin lamang ang kanilang official website na mmda.gov.ph.
