Tinukoy ni Valentine Rosales, isa sa mga dawit sa pagkamatay ni Christine Dacera na maaaring dulot ng wheelchair na pinagsakyan ni Dacera ang mga pasang nakita sa ilang bahagi ng katawan nito partikular na sa hita.
Ani Rosales tumawag si Gregorio De Guzman, isa rin sa mga kasama nila sa hotel, ng medic matapos nilang mapag-alaman na wala ng malay si Chrisitine .
Ilang minuto matapos nilang tumawag, dumating ang dalawang kalalakihan at kumuha ang isa sa mga ito ng wheelchair na pagsasakyan ng katawan ni Christine subalit wala itong leg assist o mapagtutungtungan ng binti o paa.
Dagdag pa ni Rosales na nakita niyang naiipit sa sidebars ng wheelchair ang mga hita ni Christine kung kaya’t tumungo si Clark (Rapina) isang nurse at itinaas ang paa ng dalaga habang tulak-tulak ng isang medic ang wheelchair na pinagsasakyan nito patungo sa elevator.
Magugunitang natagpuang wala ng buhay si Dacera sa isang hotel sa Makati nitong Enero 1. —sa panulat ni Agustina Nolasco
