Isusulong ni Senator Dick Gordon na maparusahan ang mga taong tatawag sa itinakdang emergency number ng gobyerno ang 911 at 8888 para lamang manloko.
Ito ay matapos na dumagsa ng mga prank caller sa unang araw palamang na operasyon ng naturang mga emergency lines
Ayon kay Gordon, dapat na mabigyan ng mabigat na parusa ang mga prank caller lalo na kung nakaabala ito ng lubos kung saan nagtungo pa ang rescue team tulad ng ambulansya, fire truck at police patrol na dapat sana ay magreresponde sana sa iba.
Inihalimbawa pa ni Gordon ang Estados Unidos kung saan napaparusahan ang mga manlolokong caller ng isang taon na pagkakakulong at multang aabot sa 10,000 dolyar.
By Rianne Briones
