Aprubado na ng Commission on Elections o COMELEC ang binuong partido ng grupo ni Davao City Mayor Sara Duterte Carpio na Hugpong ng Pagbabago o HNP.
Ito ang kinumpirma ni COMELEC Spokesperson James Jimenez na aniya’y nakumpleto ng naturang partido ang lahat ng kinakailangang requirements.
Kasama ni Sara sa pagbuo ng HNP ang apat na gobernador sa Region 11 at tiniyak na may basbas ito ni Pangulong Rodrigo Duterte.
Dahil dito, inaasahang magsisimula nang pumili ng kandidatong pambato ng kanilang partido ang alkalde para sa 2019 elections.
—-
