Tinanggal na ng Archdiocese of Caceres sa pwesto bilang Kura Paroko ng St. Jude Thaddeus Parish ng Iriga City ang paring sangkot umano sa pagpatay sa isang buntis sa Camarines Sur.
Si Father Paul Tirao ang itinuturong huling nakasama ng biktimang si Jeraldyn Rapinan, 28 taong gulang at single mother na natagpuan ang nakagapos na bangkay sa Maharlika highway sa Barangay del Pilar, bayan ng San Fernando.
Ang pari rin ang itinuturo ng pamilya ng biktima na ama ng ipinagbubuntis ni Jeraldyn.
Batay sa imbestigasyon, pupuntahan ni Rapinan si Fr. Tirao dahil sa paniwalang magbibigay umano ito ng pera pampa-binyag ng bata.
Nagsasagawa na ng imbestigasyon ang Camarines Sur Provincial Police sa kaso.