Binuweltahan at tinawag na desperada ni Solicitor General Jose Calida si Senadora Leila De Lima.
Ito’y makaraang akusahan ni De Lima si Calida sa kaniyang memoranda na nakipagkasundo umano ang pamahalaan sa drug lord na si Jaybee Sebastian para idiin ang senadora sa illegal drugs trade sa bilibid.
Ayon kay Calida, walang katotohanan ang nasabing paratang ni De Lima at nais lamang nitong malihis ang pansin ng publiko sa pagkakasangkot niya sa narco-politics.
Nakasaad sa memoranda ni De Lima na nakipagkasundo umano si Calida kay Sebastian na idiin siya kapalit ng paglipat nito sa maximum security compound ng NBP o New Bilibid Prison ngunit hindi na nakadetalye kung saan at kailan nangyari ang pag-uusap.
By Jaymark Dagala |With Report from Bert Mozo
