Isinusulong ni Senador Lito Lapid na maalis na ang expiration sa internet load.
Sa kaniyang panukala sinabi ni Lapid na ang mga hindi nagamit na data allocation sa internet data packages o promo ay para ma-credit sa mga susunod na buwan hanggang sa pagtatapos ng taon.
Ang mga hindi pa rin nagamit na data ay maaaring maging rebates na magagamit naman sa mga susunod na subscription.
Binigyang diin ni Lapid na napakahalaga ng internet sa panahon ngayon ng pandemya.
Bagamat malaking isyu pa rin ang connectivity sa bansa inihayag ni Lapid na kailangang masulit ng subscriber ang kanilang pera para sa internet data at ang nakikita niyang solusyon ay ang itinutulak niyang roll over scheme.
