Nagpaabot ng donasyon na tinatayang P5-million si Manila Mayor Isko Moreno para sa mga biktima ng lindol sa Cotabato
Ayon sa Manila Public Information Office, ang naturang pera ay nagmula sa mga talent fees ni Moreno mula sa ibat ibang endorsement.
Ang P3 million anila ay nagmula sa talent fee ng alkalde mula sa isang pharmaceutical company at ang natitirang P2 million naman ay mula sa isang cosmetic dermatology and surgery company.
Matatandaang isa sa matinding napinsala ang Cotabato ng malalakas na lindol simula pa noong Oktubre 16 na ikinasawi ng pitong (7) katao at mahigit sa 60 ang nasugatan.
