Go signal na lamang ni Pangulong Rodrigo Duterte ang hinihintay upang tuluyang ipatupad ang panukalang dagdagan ang minimum allowed volume o dami ng maaaring angkating karne ngayong taon.
Ito, ayon kay Agriculture Secretary William Dar, ay upang mapunan ang kakulangan sa suplay ng karne sa Pilipinas at mapahupa ang pagsirit ng presyo nito sa bansa.
Hinihintay na lamang aniya nila ang lagda ng pangulo upang maiangat sa 404,210 metric tons ang minimum access volume (MAV) ng aangkating karne mula sa kasalukuyang 54,000 metric tons lamang.
Magugunitang una nang sinabi ni Dar na inaasahang aabot sa 400,000 metric tons ang kukulanging suplay ng karne sa bansa ngayong taon.
