Asahan na naman ang panibagong taas-presyo sa produktong petrolyo sa susunod na linggo.
Batay sa pagtaya ng oil industry, posibleng nasa 2 pesos and 40 centavos hanggang 2 pesos and 70 centavos ang dagdag-presyo sa kada litro ng diesel.
Nasa 60 centavos hanggang 90 centavos naman ang itataas sa kada litro ng gasolina.
Una nang binanggit ni Oil Industry Management Bureau Director Rino Abad ang desisyon ng Organization of Petroleum Exporting Countries (OPEC) na bawasan ang produksyon ng langis ng 2 million barrels, dahil sa pagbaba ng presyo ng langis kasunod ng pagtaas ng interes sa Estados Unidos.
