Bukas pa rin si Pangulong Rodrigo Duterte sa pakikipag-usap sa NDF-CPP-NPA sa kabila ng kanyang naunang pahayag na durugin na ng militar ang buong puwersa ng rebeldeng komunista.
Gayunman, nilinaw ni Pangulong Duterte sa situation briefing sa Pili, Camarines Sur kaugnay sa epekto ng Bagyong Usman na hindi niya kakausapin ang mga leader at chief negotiator ng mga rebelde.
Ayon sa pangulo, dapat munang tuldukan ng mga komunista ang kanilang armadong pakikibaka bagay na tinatanggihan naman ng mga rebelde.
Dapat na rin anyang magpasya sa kanyang alok na sina CPP Founder Jose Maria Sison na ilang dekada nang naka-self exile sa Netherlands maging ang kanyang mga kapwa communist leader.
