Muling nagpatupad ng dagdag presyo sa kanilang mga produkto ang mga kumpanya ng langis.
Epektibo kaninang ala 6:00, inilarga ng Petron, Eastern Petroleum, Total, PTT Philippines, Flying v, Seaoil, Phoenix Petroleum at Shell ang 35 sentimos na dagdag presyo sa kada litro ng gasolina;
Singkwenta’y singko sentimos sa kada litro ng diesel at 80 sentimos sa kerosene.
Magugunita noong isang linggo ay nagpatupad ang mga nabanggit na kumpanya ng kapiranggot na tapyas presyo sa mga oil product.
