Ipinababalangkas ni Pangulong Ferdinand Marcos Jr. ang panukalang batas upang i-exempt sa bayarin ang mga magsasaka na hindi makabayad sa kanilang utang sa gobyerno.
Ito ayon kay Press Secretary Trixie Cruz-Angeles ang isa sa mga naging sentro ng tinalakay sa ika-apat na cabinet meeting ng Pangulo sa Malacañang kanina.
Aniya, nag-report din ang kalihim ng Department of Social Worker and Development kaugnay sa kanilang mga ginagawang hakbang upang matulungan ang mga biktima ng lindol.
Samantala, batay naman sa tweet ng Pangulo sa social media, bukod sa pinababalangkas na panukala para sa condonation ng mga bayarin at utang ng DAR beneficiaries, tinalakay rin ang pagbibigay ng legal na tulong para sa mga may problema sa lupa at pagbibigay ng modernong kagamitan at credit assistance.
