Kapwa pinaghahandaan na ng Armed Forces of the Philippines o AFP at ng US Armed Forces ang nakatakdang full blast Balikatan Exercises sa susunod na taon.
Ito’y ayon kay Defense Sec. Delfrin Lorenzana ay bunga ng naging paguusap nila ni US Indo-Pacific Command Chief Adm. John Aquilino nang bumisita ito sa bansa.
Ayon sa Kalihim, hindi natuloy ang mga nakalatag na sanang pagsasanay nuong isang taon dulot ng pandemiya ng COVID-19 .
Subalit tuloy-tuloy naman aniya ang mga maliliit na mga pagsasanay sa pagitan ng AFP at US Armed Forces mula sa kanilang Army, Air Force, Navy at Marines.
Kaya naman iginiit ni Lorenzana na mahalagang manatili ang Visiting Forces Agreement o VFA dahil nagkakaroon aniya ng pagkakataon ang mga Sundalong Pilipino ng mga karanasan sa mga makabagong kagamitan na nais nitong bilhin mula sa Amerika.— ulat mula kay Jaymark Dagala (Patrol 9)
