Wala pang balak si Pangulong Rodrigo Duterte na sibakin si PAO Chief Persida Acosta.
Sa kabila ito ng inihaing reklamo sa Office of the Ombudsman ng mga empleyado ng PAO at hilinging masuspindi si Acosta dahil sa isyu ng korupsyon.
Ayon kay Presidential Spokesman Salvador Panelo, buo pa ang tiwala ni Pangulong Duterte kay Acosta subalit ibang usapan na kapag nakitaan ng probable cause ang alegasyon at may suspension order na mula sa Ombudsman.
Sa ngayon aniya ay hahayaan muna ng Palasyo ang Ombudsman na gawin ang kanilang tungkulin.
Subalit, sinabi ni Panelo na bahala na si Acosta na magpasya kung magbibitiw sa puwesto o maghahain muna ng leave of abscence habang iniimbestigahan ang kaso nito.
