Tinawag na “Political ISIS” ni Pangulong Rodrigo Duterte ang walang tigil na pag-atake sa kanya ni Senador Antonio Trillanes.
Ayon kay Pangulong Duterte, mistulang may alam si Trillanes sa batas subalit ang nakakatawa kapag nagsasalita ang senador ay sadyang wala itong alam kundi puro pambibira at paninira.
Pinayuhan naman ni Pangulong Duterte ang kanyang anak na si Davao City vice mayor Paolo Duterte na magtungo sa senado sakaling imbitahan sa pagdinig hinggil sa kontrobersya sa Bureau of Customs.
Magugunitang inihirit ni Trillanes na padaluhin sa hearing ang nakababatang Duterte at bayaw nitong si Atty. Mans Carpio na asawa ni Davao City mayor Inday Sara Duterte-Carpio upang sagutin ang mga alegasyon na tumanggap sila ng tara o milyun-milyong pisong suhol.
