Seryoso si Pangulong Rodrigo Duterte sa kampanya ng pamahalaan kontra sa iligal na droga.
Ito ang inihayag ng Palasyo matapos ang ginawang raid sa tahanan ng mga Parojinog na ikinasawi ng alkalde ng Ozamiz City.
Ayon kay Presidential Communications Secretary Martin Andanar, walang aatrasan ang administrasyong Duterte at wala ililigtas lalo sa mga natukoy na drug lords at narco-politicians.
Ani Andanar, naging mas masigasig ngayon ang mga otoridad at PDEA o Philippine Drug Enforcement Agency na tugisin ang mga sangkot sa iligal na droga.
Patunay rin aniya ang pagkakapatay kay Ozamiz City Mayor Reynaldo Parojinog Sr. at hindi lamang maliliit na mga pusher ang kayang hulihin ng mga otoridad.
