Tinawag na basura ni Pangulong Rodrigo Duterte ang inilabas na editoryal ng pahayagang The New York Times.
Ito’y makaraang batikusin ang mga anito’y kaliwa’t kanang patayan sa ilalim ng war on drugs na ayon sa pangulo ay wala namang sapat na batayan.
Giit ng Pangulo, hindi dapat binibigyan ng espasyo sa media ang mga usaping may kaugnayan sa kaniyang kampaniya kontra droga .
Sa halip aniyang tumulong para sugpuin ang droga sa bansa ay mas tinututukan pa aniya ng nasabing artikulo ang karapatan ng mga napapatay na kriminal sa halip ang mga biktima ng mga iyon.
By: Jaymark Dagala / Aileen Taliping
