Bumisita si Pangulong Rodrigo Duterte sa burol ng pinakamayamang tao sa bansa at SM Founder na si Henry Sy Sr. sa Heritage Park sa Taguig City, kagabi.
Kasama ni Pangulong Duterte sina Executive Secretary Salvador Medialdea, Presidential Spokesman Salvador Panelo, National Security Adviser Hermogenes Esperon at dating Special Assistant to the President Christopher “Bong” Go.
Nagpasalamat naman sa pagdalaw ang mga anak ng negosyante na sina SM Investment Corporation Vice Chairperson Teresita Sy Coson; SM Prime Holdings Chairman Hans Sy; SM Prime Director Herbert Sy; SM Investments Board Adviser Elizabeth Sy, SM Investments Executive Director Harley Sy at SM Development Corporation Chief Executive Officer Henry Sy Jr.
Sabado nang umaga nang pumanaw ang nakatatandang Sy sa edad na 94.
—-
