Humingi ng tawad si Pangulong Rodrigo Duterte sa mga bakwit o evacuees ng Marawi City sa pagdideklara nito ng martial law sa Mindanao.
Ito ang mensahe ng Pangulo makaraan niyang bisitahin ang mga bakwit sa evacuation center Sa barangay Baru-Un sa Iligan City kahapon.
Ipinaliwanag ng Pangulo kung bakit kailangan niyang ideklara ang martial law habang siya’y nasa Russia at binigyang diin niyang labag din ito sa kaniyang kalooban.
May bilin din ang Pangulo sa mga bakwit na ipaabot ang kaniyang hinanakit sa mga kapwa nila Maranao na pumayag sa pagpasok ng mga terorista sa kanilang lugar.
By: Jaymark Dagala / Aileen Taliping
