Muling binanatan ni Pangulong Rodrigo Duterte ang EU o European Union Parliament dahil sa pagsusulong na ma-house arrest si Senador Leila de Lima.
Ayon sa Pangulo, mga bugok ang naturang mga miyembro ng EU Parliament dahil napapaniwala umano sila ni De Lima na isa siyang prisoner of conscience.
Ipinaalala pa ni Pangulong duterte na nakakulong ang senadora hindi dahil sa kanyang pagkontra sa administrasyon kundi sa paggamit nito sa kanyang lover driver na si Ronnie Dayan para kumita sa operasyon ng iligal na droga sa loob ng New Bilibid Prison o NBP.
Binanggit din ng Pangulo na sinilip niya ang kulungan ng senadora sa PNP Custodial Center nang magtungo siya sa Camp Crame kamakailan.
By Rianne Briones
