Isang babaeng negosyante ang patay matapos pagsasaksakin sa bayan ng Villasis, Pangasinan.
Kinilala ni Chief Insp. Fernando Fernandez, hepe ng Villasis Police ang biktimang si Remedios Maer na nagtamo ng labingpitong (17) saksak sa katawan.
Ayon kay Fernandez, gamit ang sariling dugo ay naisulat pa ni Maer bago malagutan ng hininga ang pinaniniwalaang suspek na kinilala lamang sa alyas na “Keyung” na dati niyang contractor at naka-alitan.
Sa salaysay aniya ng anak ng biktima, nagtaka ito nang hindi na matawagan ang ina buong araw kaya’t nakiusap sa mga kaibigan na puntahan ang bahay kung saan nadiskubre ang bangkay ng biktima.
Bagaman wala umanong kasama sa bahay ang kanyang ina nang maganap ang krimen, nawawala naman ang dalawang bag at pera nito.
Tinutugis na ng mga awtoridad si alyas Keyung na napag-alaman ding nagbanta pa sa biktima bago ang pamamaslang.
—-
