May payo si Chief Presidential Legal Counsel Salvador Panelo kay Senador Manny Pacquiao matapos nitong kumasa sa hamon ni Pangulong Rodrigo Duterte na tukuyin ang mga ahensyang may bahid ng korapsyon.
Ayon kay Panelo, dapat pag-isipang mabuti ni Pacquiao ang mga ibinabato nitong akusasyon sa kasalukuyang administrasyon.
Wala naman anyang problema kung punahin ni senador si Pangulong Duterte sa issue ng korapsyon kung may kaakibat na pruweba.
“Before you open your mouth kaugnay sa korapsyon mangalap ka muna ng ebidensya at pag nangalap ka ng ebidensya ako ang tutulong sayo uusigin natin pero huwag naman yung magbibigay ka ng salitang ganyan hindi fair, unfair eh wala pa palang iimbestigahan pa lang pinapa-imbestigahan mo pa lang.”si Sec. Panelo sa isang pahayag.
—sa panulat ni Drew Nacino
