Nagsimula na ngayong araw ang pamimigay ng pamahalaang lungsod ng Pasay ng P3,000 allowance para sa mga kwalipikadong mag-aaral mula sa public schools ng lungsod.
Sa isang pahayag, sinabi ni Mayor Emi Calixto Rubiano na ang naturang halaga ay allowance ng mga mag-aaral para noong nakaraang taon partikular sa buwan ng Oktubre hanggang Disyembre.
Habang ang mga allowance naman ng mga mag-aaral para sa taong ito mula Enero hanggang Marso ay kanila pang inihahanda.
Sa huli, giit ni Calixto Rubiano na ang naturang halaga ay maliit pero umaasa silang magiging malaking tulong sa mga makatatanggap nito.