Umapela ng tulong ang pamilya ni Rosnel Munting, ang 36 na taong gulang na OFW na natagpuang patay sa toilet ng isang police station sa Kuwait noong August 19.
Naging viral kasi sa Facebook ang larawan nito na wala nang buhay sa loob ng palikuran ng Abdullah al Salem Police Station.
Subalit, giit ni Rolly, pinsan ni Rosnel, hindi sila naniniwala na nagpakamatay ito lalo’t kilala nila itong masayahin at puno ng pangarap.
Kuwento ni Rolly, isiniwalat ng ina ni Rosnel na nakipagtalo ito sa kanyang employer dahil ilang buwan nang hindi pinasasahod dahilan upang ipakulong ng amo.
Sinasabing ipinakulong ng amo si Rosnel dahil sa random checking kaugnay ng kanyang expired na visa at sa pag-abandona umano sa trabaho nito.
By Jelbert Perdez | Allan Francisco
