Mahigpit ang pagbabantay ng Department of Budget and Management laban sa anumang uri ng pang-aabuso ng mga pulitiko sa ayuda para sa kapos ang Kita Program (AKAP) ng Department of Social Welfare and Development.
Ayon kay Budget Secretary Amenah Pangandaman, may safety measures na o mga ginagawang hakbang ang kagawaran para matiyak na hindi magagamit ang programa para sa pamumulitika o pangangampanya.
26 na bilyong piso ang inilaang alokasyon ng pamahalaan para sa akap ngayong taon, gayunman, sinabi ng opisyal na ilalabas lamang ito kung mayroon nang malinaw na panuntunan ang DSWD para masigurong tama ang paggamit at implementasyon ng programa. - Sa panulat ni Laica Cuevas mula sa ulat ni Gilbert Perdez (Patrol 13)
