May bakuna laban sa Mpox sa bansa.
Ito ayon kay DOH Spokesman Assistant Secretary Albert Domingo, kasabay ng pagsasabing ang mga bakunang ito ay hindi pa mabibili sa mga botika.
Nasa mga DOH Hospital aniya ang mga bakuna laban sa mpox at naka-standby ito para sa mga pasyenteng may malalang kaso ng nasabing sakit.
Ang maganda aniya, sa ngayon, ay walang malalang kaso ng mpox na naitatala sa bansa, o ang Clade 1-B Mpox.
Ayon kay Asec. Domingo, hindi naman marami ang kaso ng nasabing sakit a sa katunayan ay bumababa pa ang bilang nito kumpara sa mga nakalipas na buwan.
Aniya, nasa 50 kaso lamang ng Mpox ang nade-detect dito sa Pilipinas kada buwan.
—sa panulat ni John Riz Calata
