Inihayag ni National Task Force against Covid-19 Deputy Chief Implementer Vince Dizon, na target ng pamahalaan na mabakunahan ang 9-M indibidwal sa second round ng Bayanihan, Bakunahan na gaganapin sa December 15, bukas, hanggang December 17.
Ayon kay Dizon, inaasahan ng Department of Health na aabot lang sa 7-M ang mababakunahan sa ikalawang vaccination drive sa loob ng tatlong araw pero pipilitin nilang maabot ang target na 9-M sa pagbabakuna.
Tiniyak naman ni Dizon sa publiko na magiging sapat ang supply ng mga bakuna at heringgilya sa bansa para sa naturang aktibidad kung saan, prayoridad sa ngayon ang mga tatanggap ng second dose ng bakuna.—sa panulat ni Angelica Doctolero
