Walang nakikitang demoralisasyon ang Malakanyang sa hanay ng Philippine National Police matapos italaga ni Pangulong Ferdinand Marcos Jr. si Major General Nicolas Torre the Third bilang susunod na hepe ng PNP.
Sa press briefing sa Malakanyang, sinabi ni Executive Secretary Lucas Bersamin na propesyonal ang pambansang pulisya at kumpyansa siyang susunod at susuportahan ng mga pulis ang desisyon ng Pangulo bilang ito ang commander in chief.
Kaugnay nito, sinabi ni Executive Secretary Bersamin na inaasahan ng Pangulo at mga Pilipino na pagbubutihin pa ni Major General Torre ang trabaho nito hanggang sa pagtatapos ng kanyang termino.
Nakita naman aniya ito sa naging performance ng heneral sa lahat ng pagkakataon.
