Tiniyak ng Malacañang na agad kikilos si Pangulong Ferdinand Marcos Jr. sakaling maisumite na ng Judicial and Bar Council ang shortlist ng mga kandidato para sa posisyon ng Ombudsman.
Ayon kay Palace Press Officer Usec. Claire Castro, agad na pag-aaralan at aaksyunan ng Pangulo ang listahan. Giit pa niya, malinaw ang nais ni Marcos para sa susunod na Ombudsman: isang taong may mataas na integridad, hindi madaling diktahan, at walang kinakampihan.
