Kaisa ang Malakaniyang ng US State Department sa mga nababahala hinggil sa dumaraming bilang ng mga kaso ng Extra-Judicial Killings sa bansa.
Ayon kay Presidential Spokesman Ernesto Abella, hindi nila isinasantabi ang mga ulat na may mga pulis na nasasangkot sa mga operasyong nasa labas ng rule of law.
Nananatili aniya ang posisyon ng administrasyon na sinusunod ng mga pulis ang operational protocols at pagpapatupad ng mga kinakailangang puwersang hinihingi ng pagkakataon.
Sakaling lumabag ang mga pulis sa pinaiiral na patakaran, tiniyak ni Abella na mananagot ang mga iyon sa batas at isasailalim ang mga iyon sa imbestigasyon.
By: Jaymark Dagala
