Pinayuhan ng Malakanyang ang pinatalsik na Chief Justice na si Maria Lourdes Sereno na sumailalim sa “Psycho – Social Assistance”
Ito ay matapos sabihin ng punong mahistrado na “gimmick” o “for publicity” lamang ang mga ginagawang pagsibak ni Pangulong Rodrigo Duterte sa mga opisyal ng gobyerno.
Iginiit ni Presidential Spokesman Harry Roque na hindi matatawag na “gimmick” ang hakbang na ito ng Pangulo dahil nawalan na ng trabaho ang mga sinibak na opisyal.
Ayon kay Roque , may basehan si Pangulong Rodrigo Duterte sa pagtatanggal sa pwesto ng mga opisyal at tinutupad lamang nito ang kanyang pangako na paglilinis sa gobyerno laban sa kurapsyon.
Dagdag pa ni Roque , nasa kamay na ng Office of the Ombudsman at hindi na trabaho pa ng Pangulo ang pagsasampa ng kaso laban sa mga sinibak na opisyal.
